Barbara Becker-Hornickel

Sehr geehrte Präsidentin! Miene leiwe Lüd! Frau Vizepräsidentin! Ik nähm Sie bien Wuurd und ik bün en bäten upprägt. Ut miene Kinnertid is mir dat Plattdütschschnacken bannig wohl in Harten. Ik bün een Vörpommernkind. De Werke von Fritzing, de nohmen in et Schap von min Öming väl Platz in. Fritz Reuter, Schriftsteller und Rebell, mit sine Bökers hett er dem Plattdütschen eene Bühn bereitet. Siene Lüd, siene Figuren, disse wunderboren Typen hem olle Welt bieläwt. Ik hew mi gräult mit Dörchläuchting in siene Späukslot und ok amüsiert öwer sien Malligsien und Dämlichsien. Und er hett ne grote Furcht vör een Gewitter. Mit Enspekter Bräsig hew ik jammert öwer de Podagra, dat em quälen deit. In väle Sproken wurden siene – Fritz Reuters – Bökers öwertrogen. Äwers nie hett er de Öwertrogung von siene „Läuschen un Rimels“, in Nedderdütsch schrieben, ins Hochdütsch tuloten. Ik bün wiet davon aw, hier noch mal von sien Läben tu vertellen. Dat hem we all mokt. Min Vadding wier sien Fan. Schon als Kinnings hett er mich und mien Schwesting noh Stavenhagen, huit Stemhagen, und noh Isenoch hinbröcht. Keen Wech war tu wiet. Äwers wie hem ok liernt, dat he giern supen deit und siene Fru Luise dor schier verzweifelt wier. Un nu kümmt unnere Koalition up de in miene Ogen gaude Idee, for Fritzing een Gedenktag inturichten. Wunnerbor! Dat hett hei sich verdeint. „Wat dem eenen sien Uhl, is dem annern sien Nachtigall“ (Rainer Albrecht, SPD: Sehr schön!) hett hier eher wenig Platz. Ja, lot uns dat daun! Dat mok we. Ebenso hett de Antrag von de CDU väl Charme. Ok vör den künnen we uns warm hollen. – Välen Dank för juch Tauhören! (Beifall vonseiten der Fraktionen der SPD, AfD, CDU, DIE LINKE, BÜNDNIS 90/DIE GRÜNEN und FDP)